Hauraki Iwi History

He tangi mo Te Haupa, na tona tuahine. Na te atua ranei koe, Na te whakahi, Na te aukume i koropatutia, I tangihia pea te tangi o Rikiriki, Na te rau o te iwi mei ona ahu ka rarua koe, Taku ate hoki ra, taku rata tu tahi, Taku whakamarumaru, taku whare ki tonu He taonga tuku mai i tawhiti Ki te mana o te hoa, ki kona e tane, Tawheta mai ai ko wai tohu ai? E hoea te moana, nga mate ki te tonga i waiho Tahi ra pea ka paku to toki, Ki te waka ka rangona e te iwi, Ma tama na Humu kia kumea mai, Te kauri i te wao, tere ana ki te tonga e. Ko Nga Moteatea, Me Nga Hakirara O Nga Maori, by George Grey, p. CV The Honorable Robert Stokes, 1853, Wellington  He Tangi mo Te Haupa, na tana Tuahine. KORIMAKO, ISSUE 29, 15 JULY 1884 See also: http://nzetc.victoria.ac.nz/tm/scholarly/tei-GreKong-c3-19.html

Tokoahu and Tūterangiānini were influential rangatira of Ngāti Tamaterā their descendants included Taraia Ngākuti and Tukukino Te Ahiātaewa, among others. This waiata was found in George Grey's Ko nga Moteatea me nga Hakirara o Nga Maori, published in 1853. It appears here unedited and I have added some explanatory notes below. HE WAIATA, TAUTITOTITO, NA TOKOAHU, KI A TU-TE-RANGI-A-NINI. E whiti e te ra e maene ki te kiri, Whakarongo ki roto ra e haruru, kei te horu tai, Kei kupu tararau hei maka mai nei, ki te maunga hakahaka; Tirohia e koe, ki Kaitarakihi, Ki Whakairi, ki Moehau; Ki te Arohauta, e tu mai nei te taea te rourou, I taoroa atu te maunga o te hau a uru, ka tairite tonu ki te moana. Ko Mana, ko Tukino e kiia mai nei e koe, E haere atu ana he papanga pounamu, E taea te kikini te poho o Pomare, o Maukiringutu, o Tupoho, O Te Rangikaheke o Te Apoapo, te puna i Rotorua, I whakaaroa atu, na Te Kowheto koe kia hoki mai te pito iti ki te...

HE WAIATA TAWHITO, HE WAIATA WAWATA MO TE ATAHUATANGA O TE PAI O TE PUKEROA RANGITIRA O NGATIPAOA. Kaore te whakama, kei te ahi toro, Au, e tahu ana, He wai tarata ra, me patu, kia kakara, Kia ingo mai ai, Ara ko te tau, te wani noa atu ra, Wai e rongo atu; He karere, tuku mai i kitea e au, He pai tangata tonu, Taku nei ano me huri ki te tua, I taku tinana, He rite te pehanga, ko Paratetaitonga, Kei te hukarere, He rakau maroro au, ka hapainga, Te riu ki Hauraki, Kei hori e te ngutu, kei tara e te rau, Mo aki kore, Te pai horahia mai a Te Pukeroa, Ka whakakapua nui, Na te hoa i uta, ki te makau tangata, I taku tinana, Ka hara mai tenei, hei matakitaki, Hei whakautanga rau, i. Ko Nga Moteatea, Me Nga Hakirara O Nga Maori, by George Grey, p. 202 The Honorable Robert Stokes, 1853, Wellington